L'autor
José Campo
Castañón, nacíu nel Campu la Ilesia de Morea el 21 de Xunu de 1921, convirtióse por aciu de les sos
obres en llingua asturiana, nunu de los
personaxes más populares y queríos nel Conceyu de Ayer. Del Campu treslladóse al Caleyu de Morea
(güei Cai Hermanos miranda) onde nacieron los sos primeros versos, como
xugando.
La so familia taba mui xunía a les costumes asturianes, cocinaben nel llar
y los vocablos en bable yeren tan frecuentes nes sos conversaciones como les
patates na güerta, asina que nun-y foi difícil espresase nesta llingua.
Fálase que la so vena humorística, mui ayerana, vien-y de la so ma Celesta
que ya la prauticaba, pero namás de manera oral e improvisada.
Foi d’una xeneración na que ser fíu de mineru yera pobreza asegurá, por mor
d’esto xurdíen series dificultaes pa entrar nos estudios superiores. Tuvo nes
escueles públiques de Morea y dempués, ente la Revolución y la Guerra, fizo dos
cursos nos frailes de Caborana. Nel añu 1941, perdió a so pá y les coses
punxéronse-y más complicaes entavía pa poder siguir ente los llibros. Sicasí, la
so afición pela llectura llevó-y a tener una importante cultura.
Foi mineru per un día. Na so primera xornada como rampleru nel grupu Sierro
Negro de Piñeres, quedó sepultáu per un derrabe de carbón, xenerándoi una llimitación
na so pierna izquierda y nes vértebres, qu’apartólu pa siempre d’esta actividá.
Dempués, ingresó nel Ayuntamientu d’Ayer, n’onde trabayó más de dos tercios de
la so vida.
Siendo rapaz, xordiando colos amigos, prestaba-y camudar la lletra de los
cancios de moda por unos conteníos más familiares, onde destacase l’humor,
contribuyendo cola broma y la risa a los acontecimientos más importantes.
Nel branu de 1948, nel reserváu del Bar La Bombilla, discurrió, xunto con
dalgunos amigos, facer un circuitu en madreñes. Foi tal la cantidá de
correores, dispuestos a caleyar per Morea, que diéron-y a esi recorríu la
categoría de mundial. Naciendo entoncies la F.A.M.E (Federación Asturiana de
Madreñes d’Encina) integrá por un grupu de amigos aviespaos y con gran humor.
Asina, l’inxeniu d’esti bablista quedó plasmáu nel papel, allabando les
cualidaes de tolos participantes, faciendo usu d’ún humor llimpiu, finu,
allegre y ensin vulgaridá nin ramplonería. Nos sos versos quedaron
inmortalizaos Wenheno-Wicht, Pepinoff Bucielloff, Quirós “Moco Caído”, Pepín
del Cabanón “Xigante de la Ruta”, Acuña “el Caracol gallego”, etc…
Isti atleta
popular
del circuito de
madreñes
quiérenlu vieyos
y neñes
per so tipo
singular.
Anque zanca tien
muy poca
y lu veis pequeñu
y secu
ye ágil com’un
robecu
y más duru qu’una
roca.
Yo nun se de
donde saca
tantu coraje y
tesón,
tien sangre,
valor, pulmón
y un bazu com’una
vaca.
Nadie cansa de
admirar
el so estilu tan
perfetu
y a lo largo del
trayetu
apláudenlu sin
cesar.
El nin siquiera
se inmuta,
ye pequeñu y ye
grandón,
¡per algo Pin Cabanón,
ye’l xigante de
la ruta!
Por otru gafu
accidente, perdió un güeyu, lo que lu llevó a usar siempre gafes escures, que-y
permitíen observar ensin ser observáu, y dempués pasar al versu tolo que vía.
Nel bodegón la viuda Vidal, quiciabes foi onde pasó los meyores momentos na so esistencia. Al llau de mediu llitru de vino y un bocadillu que llevaba de casa, la risotiada y la broma yeren continues ente los parroquianos. A esti bodegón nomáronlu “Les Caldes” porque dicíen qu’ellí, bebíase tan bon vinu que sanaba unu del reuma meyor que nel célebre balneariu de les cercaníes d’Uviéu. Nel almacén de Pachu, vecín de “Les Caldes”, diba tamién una tertulia y ente ambes había rivalidá. Dacuando, los de Casa Pachu retaron a los de “Les Caldes” que presumíen d’Orféon Anárquicu, pues según el so direutor, Enrique Lorenzo, allí nun había tenores nin barítonos, si non que cantábase gordo y delgao.
Otra de les
anécdotes que pasaron en “Les Caldes” foi una güelga escontra Amor, la dueña, a
la que-y pidíen vasos más finos, más allumáu, más meses, sielles, etc…
En 1958 casóse
con Faustina Álvarez Ordoñez, ayerana como él y vecina de Morea d’Arriba, que-y
dió una fía.
A ella Tina i
llamaben
y él por Pin
arrespondía
y ya diba que
s’hablaben
non se’l tiempu
que facía.
Foi collaboraor
nel periódicu “Comarca”, de Mieres, na “Voz de Aller” y na fueya deportiva
“Penalty” onde toes les semanes brindaba la llabor de la so fecundidá, en
versos que diben destilando nel ambiente les coses de la vida diaria y del
mundu futbolísticu, cola so filosofía y la so acreditada estilística bable.
Per un tiempu y
en munchos de los sos versos, utilizaba nomatos como D. Enrico, D. Romualdo,
Licam…
Gran devotu de
San Martín y collaboraor incansable de los Humanitarios, dedicó-yos cada añu,
un versu emponderando dalgunos de los ingredientes d’esta romería: la xana, la
puya, la fabada, el panchón, los emigrantes, la chocolatá, la xanda…
Dende 1975 el
popular canciu “es en Moreda donde reina la alegría…” foi sustituyíu por
cola lletra de
José Campo y música de Vima, siendo dende entoncies l’himnu oficial de los
Humanitarios de San Martín. Dempués de la so muerte, ente los sos papeles, alcontráronse
dos versos más, dedicáos a so querida fiesta, que foron espublizáos nos
programas de mano en payares del 92 y del 93.
Leoncio Camporro
escribió:
San Martín, hoy
está triste
echa la capa a la
cara
faltan esas gafas
negras
que esconden
mirada clara
signo externo de
un poeta
que a Moreda idolatraba.
Nel añu 1978 fundó xunto con dalgunos amigos y collacios la Tertulia
Literaria Allerana, qu’hasta fai bien poco, organizaba un concursu añal de
cuentos, con fama internacional. Estos amigos, nun cenciellu homenaxe que
ficieron pocos díes dempués de so muerte, dixeron d’él:
“Hablar de Pepe Campo es hablar de la sencillez y de la humildad, es hablar de una persona que no necesita grandes alharacas para hacerse notar, pues había aprendido a diferenciar, como pocos lo consiguen, lo sustantivo de lo meramente accidental. Mientras estuvo con nosotros, siempre fue un entusiasta colaborador de cuantas tareas se le propusieron y, sobre todo y por encima de todo, fue un amigo”.
El 16 de mayu de 1992, dempués d’un rápidu procesu canceríxenu, prodúxose-y
un rotu na vida y per él colo-y l’alma nesti sábadu de mayu.
L’Ayuntamientu d’Ayer tamién quixo brinda-y un homenxe póstumu y na fachada
de so casa nel Caleyu pue vése esta placa:
AQUÍ VIVIO
EL POETA ALLERÁN
PEPE CAMPO
1921-1992
Escritor fecundu,
d’ironía escafeinada; escoyonante y tienru, prestosu y evocaor según les
circunstancies; con inxeniu y aguda asturianía, encantaoramente rural,
sabrosamente popular, dexó escritos centenares de versos y varies obres de
teatru (El Xuiciu de Samuelón, El Balneariu, El Caxiellu, Resto el atunáu, El
estraperlo prudencial…) nenguna delles asoleyada.
Na so sepultura,
nel cementeriu de Morea, pue vese esti epitafiu estrayíu d’ún de los sos
versos:
Esnalaremos so’l
mar
rumbu a una
tierra lexana
‘n onde seya la
sabencia
per to’l mundu
respetada
y esfrute una
llibertá
que’qui mos fói
arramplada.
PREMIOS
Llogró dellos premios y accésit, dalgunos de los más importantes foron:
- 1er premiu II Andecha de la Poesía Bable, con un conxuntu de versos (La moneca, El carrerín, Los paxarinos, Les cereces, Un suañu). 30 de mayu 1973.
- 2º premiu nel concursu “Paz en la Tierra” de Mieres con “Si hubieses nacío n’Asturies”. Xineru 1974
- Medalla de Plata concedía pel muséu Etnográficu a “Les Casadielles” (prosa n’asturianu). Setiembre 1973
- 1er premiu del concursu de Poesía Navideña convocáu pel Centro Cultural Deportivo mierense por “Lluz del Mundu”. Avientu 1985.
Comentarios
Publicar un comentario