Obres

1965. L'aldea Soleyera

Nesti primer llibru reflexó con lluz propia los homes y les muyeres de la quintana, que desfilen fielmente caracterizaos col so rellume de finu humor; sol nel trabayu y nes penes, sol nel correor y nes almes; sol -esi sol que calez y da vida- nel humor asturianu, socarrón, allegre, ensin facer dañu.





1966. Pólvora y Fumo

Versos dedicaos a los sos meyores amigos de xuventú: Tino Fidelia, Pepito Sela, Pololo...







1969. Per les caleyes d'Aller

Equí amosa la guapura de la so tierra y la so xente, dende San Isidro a Caborana, dende'l Rasón a La Collaona. 







1970. Teatro Asturiano

Formáu por dos sainetes: "Baxaron cuatro alleranos" y "Día de Caza" qu'escribió cola collaboración del so amigu, l'actor José Suárez.







1983. Antoloxía

Dividíu en dos partes.
Lo solano: Son dalgunos versos yá espublizáos, xunto con otros nuevos. Esta parte fáenos rír constantemente.
Lo biseo: Equí muéstranos otra faceta de la so obra, menos conocida, pero que tamién dominó a la perfeición: la seriedá. Colos versos "El ramplerín", "El vieyu mineru" o "El paxarín mudu", escritos nun asturianu más académicu, fáenos empapiellar per momentos.
Edita: Excmo. Ayuntamiento de Aller
 


1992. Cosuques de Neños y Poesías a San Martín

Nun son sólo chispes de fueos d'artificu pa ríse, amás, y sobre tóo, son pinceláes maestres coles que retrata'l caráuter y la sicoloxía d'esa xente menuda -¡menuda xente!- capaz de facer añicos el mázcaru de la seriedá. Esta vegada la dedicatoria, como non, ye pa un nenu: "Al mió nietu Noé, que llogró con so nacencia que entá me siga paiciendo guapu isti mundu esgonciau en que espatuxamos" 

Esti llibru foi espubilzáu dempués de so muerte, yá qu'él nun tuvo tiempu.
Edita: Humanitarios de San Martín


1996. Obra Completa de José Campo

En dos tomos, equí recuéyense la mayoría de les sos obres: tanto de los llibros asoleyaos, como aquelles que escribió pa periódicos, como'l Comarca, o les fueyes deportives. Tamién hai los de los programas de les fiestes, asina como otros inéditos que s'alcontraron.  

Edita: Editora del Norte



2003. Ayeranes. Pepe Campo.

Ye l'últimu de los llibros asoleyaos. Pertenez a una coleición de versos humorísticos de diferentes poetas asturianos. Equí puen lleése dalgunos de los poemes más graciosos de l'autor.

Edita: Trabe




Entá hai munchos versos inéditos, dalgunos taben preparáos pa enviáse a un concursu, col títulu "Carrapiellu Poéticu" y un diccionariu del "Bable del Bajo Aller" coles pallabres que foi alcontrando a lo llargo de so vida, mientres caleyaba pelos pueblos del conceyu.

Comentarios

Publicar un comentario

Entradas populares de este blog

Los paxarinos

LOS PAXARINOS Arrefundiái los gomeros  y sei güenos, rapacinos;  dexai que llibres esnalen  p'el mundu los paxarinos.  ¿Decís que ye per arruelu?  Nun vengais con enguedeyos;  asentáivos 'n isi sucu  y arremellai bien los güeyos.  Mirai p'aquel xilguerín  cómo el picalín algama  d'aquilla argute guindal  blincando de rama en rama.  Picótia una roxa guinda,  cueye payes nel carreru,  paliquinos, yerba, folla...  y acárrialos pa'l so ñeru.  Ansina pásase'l díe  llasparderu, sin cansanciu,  y si apara ye pa dar  al eire so dolce canciu.  Lo mesmo fai la pioyina,  el ñerbatu, el raitanín,  la zarrica y el malvís,  la pega y el veranín.  Si allegramos los oyíos  ye la so xera del añu  ¿pa qué nun los protexeis  en vez de faceyos dañu...?  Arrefundiái los gomeros  y sei güenos, rapacinos;  dexai que llibres esnalen  p'el mundu los paxarinos.
Leer más

Una retirá a tiempu

UNA RETIRÁ A TIEMPU Tarazau per un dolor  que lu tien clavau na cama  pega quexíos y clama,  igual qu'n llocu, Melchor.  Lo que a él lu fai bufar  más que'l dolor, aquel día,  que paga la Compañía  y nun pué dir a cobrar.  Y si va la so Sunción  escuende la paga entera  nel fondu la faltriquera  y él nun güel un perrón.  Buscaba la solución  al casu, pa resolvelu,  cuando allegose pa velu  un compañeru: Xuanón.  —Llegaste nun bon momentu;  —diz Melchor con allegría—  Toma esto de seguía.  —y apurriói el Ilibramientu—.  Vas dir a cobrar per mí  callando de la muyer  y dempués d'escurecer  traes les perres p'aquí.  Acetó el amigu al puntu  y al marchar quedó Melchor  munchu meyor del dolor  al salvar aquel asuntu.  Asomó Xuanón con tientu  cuando hubo nochecíu,  pálidu, descoloríu como sopa en sin pimientu. Estaba l'home nerviosu;  apoyose nuna silla  y fincando la rodilla,  nel suelu, dixo miedosu:   —Perdóname, compañeru,  perdite la paga entera  en cá de la Moliner
Leer más

El carrerín

EL CARRERÍN Andia el carrerín  sin saber a ú va;  illi nun se apara  ni amira p'atrás.  Esguila a los montes,  abaxa a los valles,  estázase al río,  pero sigo alantre.  ¿A ú va el carrerín?  naide sabe ná;  ni a ú s'empobina  nin qué catará.  Iguen i los árbores  escolta d'honor  y peñeren'n illi  rayinos de sol.  Como el carrerín  yo tamién colé  sin saber a ú diba  ni en cata de qué.  Frayau d'andiar  per tóos los atayos  atopeme solu  al cabu los años.  Güey nun sé a qué vine  ni en cata de qué.  ¿U tá el carrerín  pa poer golver...?  Golver al llugar,  golver a la infancia,  al campu la ilesia  onde yo xugaba. Blincar a la muerte, xugar al pío campu, al saltu corríu al guá y liriu-lariu. Facer xiblatines, dir con utros neños a caza de grillos o en cata de ñeros. Pero toy muy llonxe, llonxe del ayer. ¿U tá el carrerín pa poer golver...?
Leer más