Duelo de Orfeones

DUELO DE ORFEONES

Esi rebañu de cabres

que berra en Casa de Pachu

y gasta tantes pallabres

¿estará siempre borrachu?

Perque atrevese a retar

al "Anárquicu Orfeón"

ye como desafiar

un gatu mansu a un león.

Cantando en Casa la Viuda,

un d'estos días pasaos,

nun cabe ninguna duda

que quedaron aplanaos.

Fue una paliza de aupa

la del rebañu de Tino,

diretor que se preocupa

tan sólo de beber vino.

Diretor incompetente

que presume de estatura,

de secañu permanente

y de muncha cara dura.

Tamién Adolfo, el solista,

que to'l mundu lu conoz

pues na más chamos la vista

empieza a temblái la voz.

Juan, un rapaz que al cantar,

parez que nu entona mal;

tien buena voz pa espantar

al melandru del maizal.

Marino, el más guayabín,

con una voz melodiosa

que desde aquí hasta Pekín

suena a lata ferruñosa.

Luisito, ésti de veres,

que te excelente cantor,

tien estilo de Piñeres

y ladra como el Milor.

Valencia, tipo de pesu,

que al cantar da cada gritu,

como si estuviera presu

per la pata, en un garlitu.

Y munchos más que rezumen

vino tinto per los poros,

pero per más que presumen

nun canten ni venti en oros.

Aqui estamos enteraos

qu'esa xente, esos prubinos

están tóos más atrasiaos

que los figos miguelinos.

Pues, chicos, el utru día

casi mos volveis tarumba,

¡tais más salvajes tavía

que los negros de Lumumba!

Y si el desquite quereis

procurai dir a la escuela

mientres nun vos cepilléis

¡que vos aguante la güela!