Lo que i faltaba
LO QUE I FALTABA
N'el chigre de Xuán el Güecu
víense per tóos los llaos
tiestes de corciu y rebecu
y páxaros disecaos.
Llugar de concentración
d'entusiastas cazaores
que nun dexen ni un gurrión
naquellos alredeores.
A la tertulia asistía
un rapaz que siempre andaba
p'el monte, de cacería,
pero nunca ná mataba.
En cambiu, con sos bravates,
a los amigos abruma,
anque éstos, de sos cazates,
nunca vieron ni una pluma.
Ansí, cuando aquel paletu
echaba a pacer la llengua,
decíen tóos pa'l coletu:
—Después de cocío, mengua.
Pero quisieron morrer
cuando un día dixo ansí:
—Mañana voy, si Dios quier,
a cazar un xabalí.
Xingó, guasón, la cabeza
y dixo el dueñu del bar:
—¡Esa ye la única pieza
que i falta per nun cazar!
Comentarios
Publicar un comentario