La caza del oso
LA CAZA DEL OSO
El pueblu taba asustau,
cohibíu y temerosu,
desde que tuvo enteráu
que cerca rondaba el osu.
Abrasaba les figares
y la miel de los caxellos
dexando les ablanares
apenes sin carrapiellos.
Dieron dalguna batía,
charon carne envenenao,
pero aquel osu seguía
dexándolo tóo arrasao.
Dixe yo a los miós amigos:
—Isi nun come más miel,
más ablanes, nin más figos.
y lancéme en cata d'él.
Fechu repla, sudorosu,
el monte enteru corrí,
pero paicía que l'osu
andaba escapáu de mi.
La lluna lucía clara
una nuiche en que, per fin,
topé con él cara a cara
nel recodu d'un camín.
El arma punse al costazu,
apuntei al corazón...
y la fiera, d'un zarpazu,
per poco me descompón.
Salió el tiru desviáu
matando a un homilde glayu
que dormía confiáu
en les rames d'un carbayu.
Desarmáu ante la fiera
encomendéme a San Blas
y llancéme a la carrera
llevando al osu detrás.
Entré cuasi desmayáu
en una cabana abierta,
pero vi aterrorizáu
que nun cierraba la puerta.
Los rincones registré
en cata d'una escopeta
y coyí lo que topé:
una inútil pandereta.
Pensé morrer allí mismo,
com'una fueya temblaba
y a causa del nerviosismo
la pandereta sonaba.
Asina pude llibrar;
al oyer les sonajeres
el osu empezó a bailar
sobre les pates traseres.
Y llibre al fin d'aquel pesu
que ya m'estaba afogando
emprendimos el regresu
yo tocando y él bailando.
Pero dicen los paisanos
que yera un osu escapáu
a una tribu de xitanos
y que estaba amaestráu.
Comentarios
Publicar un comentario